Hamımızın yaxşı tanıdığı Dünya Azərbaycanlılarının Haqlarını Müdafiə Komitəsinin sədri Böyük Rəsuloğlu indi Avropada yaşayır. Bir neçə günlük Bakıya gələn Rəsuloğlu "Türküstan"ın qonağı oldu. Böyük bəylə söhbətimizdə bizi maraqlandıran bir sıra suallara cavab axtardıq.

- Böyük bəy, buradan gedəndən sonra nə işlə məşğulsunuz?

- Öncə, ürəyimin dərinliklərindən gələn sayğılarla soydaşlarımızı salamlayıram. Mən ailəmlə 1994-cü ildə Güney Azərbaycandan Bakıya gəldim. 10 il burada yaşadıq. Bu 10 il müddətində mən Quzey Azərbaycandakı soydaşlarımdan hörmət, ədəb və nəzakətdən başqa bir şey görmədim. Həddindən artıq sevinirəm ki, bu 10 ili Azərbaycanda yaşadım və mənim azərbaycançılıq təfəkkürümdə daha da möhkəm olan köklər yerləşdi. Və başa düşdüm ki, bizim nə qədər böyük millətimiz var. Burada mənim xeyli dostlarım var. Həm alimlər, aydınlar arasında, həm iqtidarda, həm müxalifətdə... 2004-cü ildə biz burdan gedəndə bəzi səbəblərdən onların hamısı ilə görüşə bilmədim. Bu insanların mənim boynumda haqqı çoxdur. Qəzetiniz vasitəsilə onların hamısına salamlarını çatdırıram. Bu gün Horveçdə yaşayıram və öz ixtisasım üzrə işləyirəm. Durumumuz yaxşıdır. Avropa ölkələrində yaşamaq çox rahatdır, gözəldir. Amma bir neçə gündür buradayam, mənəvi cəhətdən çox güclənmişəm. Bir daha Güneyli Quzeyli millətimizə öz salamlarımı çatdırıram.

Təbrizdə nəşr olunan "Heydərbaba" qəzetinin türk bölümü dünən pantürkist fəaliyyətdə ittiham olunaraq qapadılıb. "Yarpaq" qəzetinin redaktoru Səid Muğanlının verdiyi məlumata görə, qəzet bir müddət öncə türk dilində şeir müsabiqəsi keçirib. Müsabiqədə 10-a yaxın milliyyətcə Azərbaycan türkü olan şair mükafatlandırılıb. İran dövləti isə belə müsabiqələrin keçirilməsini türkçülüyün təbliği kimi qələmə verərək, qəzetin türk bölümünün bağlanması haqda qərar verib.

Güneyli soydaşımız: "İndi İran hakimiyyəti Amerikadan çox Güney Hərəkatından qorxur"

Bu günlərdə redaksiyamızın daha bir güneyli qonağı olub. Savalan Kəleybər Güney Azərbaycanın Qaradağ mahalındandır. Onunla söhbətimizdə Güney Azərbaycanda hazırkı ictimai-siyasi durum, ümumən İranda baş verən proseslər barədə danışdıq.

- 22 may hadisələrinin ildönümündən və Babəki anım günündən sonra Güneydə vəziyyət necədir? Bu tarixi hadisələrlə bağlı anım tədbirlərinə imkan verilməməsi Quzeydə də üzüntü ilə qarşılanıb.

"İmkanlı soydaşlarımız milli hərəkatımıza dəstək verməlidirlər"
Professor Qulamrza Səbri-Təbrizi bir aya yaxındır Dünya Azərbaycanlıları Konqresinin sədridir. Bir neçə gün öncə Qulamrza bəylə görüşdük və gələcək planları ilə bağlı onunla söhbətləşdik.

- Sayın professor, DAK sədri seçiləndən sonrakı bu qısa dönəmi necə qiymətnəldirirsiniz? Görüləsi işlər çoxdurmu?

- Hələ qurultayın yorğunluğu çıxmayıb. Bununla belə, daha çox işlər görəcəyimizə ümidvaram. Biz hələ yeni strukturumuzu, əsasnaməmizi, nizamnaməmizi tətbiq etməyə başlayırıq. Kimlər bizə köməklik edə bilər, özümüz nələri etməliyik kimi məsələləri müzakirə edirik. Avqustun 3-də Bakıda DAK-ın İdarə Heyətinin iclasını toplamaq niyyətindəyik.

İranın prezidenti Mahmud Əhmədinecad keçən həftə Suriyaya müşərrəf olub, XİN başçısı M.Müttəki isə Ermənistana.
Birinci Suriyadan başlayaq. Suriya indi yox, şah rejiminin zamanından mollalar və terrorist qruplarla əməkdaşlıq edir. "İnqilabın pərdəsi arxasında" adlı bir kitab var. Müəllifi İranın bir nömrəli terroristi Cəfər Şəfidir. Xaricə qaçandan sonra bu kitabda hər şeyi etiraf etdi.
Bu görüşdə iki ölkə prezidenti arasında iqtisadi baxımdam heç bir söz-söhbət getmədi. Əhmədinecad ABŞ və Avropa Birliyinin islam ölkələrinə düşmən olduğunu, İsrailin aradan qaldırılmasını və digər söhbətləri suriyalılara bir daha xatırlatmaq üçün gedib qayıtdı. Sən İranın müttəfiqlərimizə bir bax: Suriya və Ermənistan. İki terrorist ölkə!
Qayıdaq Ermənistan məsələsinə. Hələ Təbrizdə erməni-fars dostluğu abidəsi tikiləcək. Yəni əslində bir heykəl yonacaqlar. Iki birləşmiş adam heykəli. Üzünün bir tərəfi erməni və digər tərəfi isə fars olacaq və üstündə yazılacaq: "Farslarla ermənilərin qardaşlığı pozulmazdır". Bəli! Bu iki ölkənin qardaşlıq əhdi unudulmaz, yoldaşlıq peymanları pozulmazdır. İran hakimiyyəti heç olmasa İranda yaşayan 35 milyon türkdən utanmalıdır. Ermənilər həmən İran türklərinin bu tayda yaşayan soydaşlarının 20% torpaqlarını işğal edib, kütləvi soyqırımlar törədib, bu ölkənin terrorçuları, daşnakları və qansız quldurları bizim ana-bacımızı didərgin qoyub. Faşist erməni ilə bizim nə alış-verişimiz ola bilər? Mən güneyli olduğumdan, həqiqətən, utanıram. Axı mənim soydaşlarıma təcavüz edən erməniyə sən heç olmasa mənə görə - 35 milyon türkə görə düşmən gözündə baxmalısan. Sənə kim icazə verib, erməni abidəsini ana torpağımızın gözündə, ulu Təbriz diyarında qaldırasan? Kim sənə bu haqqı verib? Yaxşı, tutalım sənin türk vətəndaşlara heç bir hörmətin yoxdu. Axı sən müsəlmansan. Ermənilər işğal etdiyi ərazinin məscidlərini donuz bəsləmək üçün istifadə edirlər. Məscidlərin hörmətini aradan qaldırırlar. Məscidə murdar donuz bağlayırlar! Sən necə müsəlmansan? Sən necə islamdan danışırsan?! Sən məni qul elədin, bəs deyil, barı quzeyli soydaşlarımın yarasına duz tökməyindən utan. Onlar sənin soyundan olmasalar, fars da olmasalar, heç olmasa sənin kimi müsəlmandırlar. Müsəlmanın düşməni ilə dostluq qurmaq nə deməkdir? Yəni sən özün də müsəlman deyilsən!


Oxtay Təbrizli