Və ya bayrağımızın türklük rəngini necə göyərdirlər?

Milli kimliyini dərk edən hər bir türk öz tarixini, dilini, mədəniyyətini bilməlidir. Bu sübuta ehtiyacı olmayan aksiomadır. Ancaq hərdən şanlı keçmişimizi bu günümüzlə müqayisə edəndə başımıza gələn bəlaların və acıların heç də hamısının günahının düşmənlərimizdə olmadığını dərk etdim. Söhbətimin məğzini

Azərbaycan türkləri peyğəmbər hədisinin təhrifinə etiraz edir

Güney Azərbaycanın bütün şəhərlərində artıq İranın 50 min riallıq əskinasları əhali tərəfindən tam boykot edilib. Xususilə Təbriz, Ərdəbil və Urmiyada bu pulla qətiyyən alış-veriş zamanı istifadə olunmur və hətta banklar tərəfindən bu pul əhaliyə verilirsə də əhali pulun üzərində yazılmış saxta hədisi qaralayaraq onu yenidən banka qaytarırlar. Bu yolla da əhali bir daha öz etirazını fars şovinist siyasətinə qarşı bildirir.
Xatırladaq ki, İranda son aylarda dövriyyəyə buraxılmış 50 min riallıq əskinasların üstündə Məhəmməd peyğəmbərin adına çıxılan bir kəlamın yazılması ölkənin qeyri-fars vətəndaşları, o cümlədən azərbaycanlılar arasında narazılıqla qarşılanmaqdadır. Əskinasın bir üzündə yazılıb: "Elm Ülkər ulduzunda olsa belə, fars yurdundan olan ərənlər nə vaxtsa gedib onu əldə edəcəklər".
İran hökuməti bu fikrin peyğəmbərə məxsus olduğunu bildirsə də, bir sıra şəxslər əslində Məhəmməd peyğəmbərin belə bir söz demədiyini, bu sözlərin sadəcə, siyasi məqsədlərlə peyğəmbərin adına çıxıldığını vurğulayır.
Sözügedən məsələni fars şovinistlərinin farsların digər millətlərdən üstün olduğunu aşılamaq üçün ortaya qoyduğu növbəti fırıldağı kimi qiymətləndirən azərbaycanlı milli fəallar Marağa şəhərində əhalini etiraz aksiyalarına çağıran vərəqələr yayıblar.

"Qız və oğlan tələbələr bir-birlərindən ayrı təhsil alsınlar"

İranın Qum şəhərindəki Elmiyyə Hövzəsinin (elmi dini mərkəz - burada mollalar təhsil alır- red.) müəllimlər heyətinin üzvü, ayətullah Qərəvi jurnalistlərə açıqlamasında ölkədə pozğunluğun qarşısını almaq üçün universitet və digər ali təhsil məktəblərində oxuyan qız və oğlan tələbələri bir-birindən ayırmağı təklif edib.

Ayətullah Qərəvi qızlarla oğlanların ayrı-ayrılıqda təhsil almasını bioloci fərqlərlə izah edib: "Pozğunluğun baş alıb getməsinin səbəblərindən biri qız və oğlan tələbələrinin bir yerdə təhsil almasıdır. Qadınlarla kişilər biri-birindən fərqləndiyi üçün onları biri-birindən ayırmaq lazımdır. Misal üçün, Qum Universitetində təhsil alan qız və oğlanları bir-birlərindən ayrı saxlanır. Əlbəttə, başqa məqsədlər üçün universitetə gələnlər bunun tərəfdarı olmaya bilər. Lakin nəzərə almaq lazımdır ki, onların bir yerdə olması cəmiyyətdəki pozğunluğun artmasına gətirib çıxarır".

Ayətullah Qərəvi hesab edir ki, qızlarla oğlanların bir yerdə oxuması pozğunluğun artmasını şərtləndirir: "Tələbələr, xüsusən də əgər subaydılarsa, fikirləri başqa işlərə yönələcək. Əgər tələbələr biri-birindən ayrı mühitdə saxlansa, pozğunluğun qarşısı öz-özünə alınacaq".

İran İslam Respublikasının prezidenti Mahmud Əhmədinejad iyulun sonu, avqustun əvvəlində Azərbaycana rəsmi səfərə gələcək.
Bu barədə APA-ya Xarici İşlər Nazirliyi Mətbuat Mərkəzinin rəhbəri Xəzər İbrahim məlumat verib. O bildirib ki, xarici işlər naziri Elmar Məmmədyarovun iyunun 20-21-də Tehrana səfəri zamanı İran prezidenti ilə görüşündə bu barədə razılıq əldə olunub.

Güneydəki mənbələrin verdiyi məlumata görə, Zəncan əyalətində azərbaycanlı milli fəalların həbsi davam edir. Bildirilir ki, bir həftə bundan əvvəl ETTELAAT əməkdaşları zəncanlı milli fəal Behruz Səfərini tutaraq naməlum istiqamətə aparıblar. Onlar B.Səfərinin qardaşına həbs xəbərini heç yerdə yaymamaq barədə xəbərdarlıq ediblər. Məhz həmin xəbərdarlığa görə milli fəalın həbsi xəbəri bir həftə gec yayılıb.

B.Səfəri bir neçə ay əvvəl Beynəlxalq Ana Dili günü mərasimlərinə qatıldığı üçün tutularaq bir müddət Tehranın Evin zindanında saxlanmış və orada müxtəlif işgəncələrə məruz qalmışdı. Milli fəal həbsdəykən yeməyinə qatılmış maddəylə zəhərlənərək xəstəxanada yatmışdı. B.Səfəri hazırda digər zəncanlı fəallar Səid Mətinpur və Cəlil Qənilu ilə birlikdə ETTELAAT idarəsinin həbsxanasında saxlanır.

Başqa bir məlumata görə, Zəncanda daha bir milli fəal həbs edilib. ETTELAAT əməkdaşları milli fəal Hüseyn Rəhmətini iş yerində tutub özləri ilə naməlum istiqamətə aparıblar. Onun harada saxlandığı bilinmir.

İran həbsxanalarında saxlanılan milli fəallara işgəncələr verilir və onlar əsassız olaraq fiziki zorakılıqlara məruz qalırlar. Bu xəbər İrandakı mənbələrdən daxil olub. Mənbə İran xüsusi xidmət orqanlarının Urmiya həbsxanasında reyd keçirdiklərini və bu zaman burada saxlanılan siyasi məhbusların döyüldüyünü, onlara gətirilən ərzaq və geymin müsadirə olunduğunu bildirir. Mənbənin bildirdiyinə görə, hətta məhbuslardan biri bu qanunsuzluğa etiraz etdiyi üçün ağır işgəncələrə məruz qalıb. Mənbə Urmiya həbsxanasının rəisi Fəthin, siyasi məhbuslar saxlanılan korpusun rəisi Əkbər Əfşarın, dustaqxanada nəzarəti həyata keçirən xüsusi xidmət orqanları nümayəndələrinin siyasi məhbuslara işgəncə verməkdə "ad çıxardıqlarını" da diqqətə çatdırır.

Qarabağımızın üzərində məkrli oyunlar oynanılır. 14 il əvvəl əlimizdən faktiki olaraq çıxmış Qarabağı, indi "öz razılığımızla" əbədi olaraq əlimizdən almaq istəyirlər. Hecə ki, bir zamanlar Borçalını, Dərbəndi, İrəvanı almışdılar. İllərdir "Borçalı, Dərbənd, İrəvan bizim olub" demişik. İndi istəyirlər "Qarabağ bizimdir" yox, "Qarabağ bizim olub" deyək.

Deməyəcəyik! Azərbaycan türkü artıq bağışlamaq, güzəştə getmək düşüncəsindən qurtulub, Bütövlük düşüncəsinə bağlanıb. 50 milyonluq bir xalqın torpağını əlindən alıb 3 milyonluq qaniçən-quldura bağışlamağı Tanrı da götürməz!!!

Güneyli Quzeyli gənclərimiz Təbrizli, Qarabağlı Bütöv Azərbaycan mücadiləsinə girdiyi bir vaxtda, Xankəndiyə gedib, əli Xocalı cocuqlarının qanına batmış qatillərə əl uzadan "azərbaycanlılara" ar olsun!

Mirmahmud Mirəlioğlu: "İran rəsmilərinin bəyanatları Güneydə bir müddət əvvəl geniş vüsət almış Milli Azadlıq Hərəkatıyla bağlıdır"
Azərbaycanın müstəqillik əldə etməsindən 15 il ötür. 1991-ci il oktyabrın 18-də Dövlət Müstəqilliyi Haqqında Konstitusiya Aktının qəbul olunmasıyla Azərbaycanın dövlət müstəqilliyini qazanması rəsmiləşdi. Xalqımız məhz meydan hərəkatından - Milli Dirçəliş Günündən keçərək bu idealı reallaşdırdı. Amma bu günlərdə Azərbaycan parlamenti verdiyi etdiyi qərarla hər iki tarixi günü qeyri-iş günləri elan etdi. Onsuz da son illər bu tarixi günlərə dövlət səviyyəsində ögey münasibət göstərilirdi. Müstəqillik Aktının qəbulunda iştirak etmiş Klassik Xalq Cəbhəsi Partiyasının sədri Mirmahmud Mirəlioğlunun son hadisələrə münasibətini öyrəndik. İlk sualımız da parlamentin qəbul etdiyi son qərarla bağlı oldu:
.

"Böyük güc olmaq istəyiriksə, türk mədəniyyətinin daşıyıcıları olan qeyri-türk toplumlara da sahib çıxmalıyıq"

Bu günlərdə ünlü jurnalist Sevil Huriyevanın başqanı olduğu Asiya Dialoqu İctimai Birliyinin yeni layihəsinin Qafqaz Media Mərkəzinin təqdimatı keçirildi. Sevil xanımla söhbətimizdə rəhbərlik etdiyi qurumların fəaliyyəti və qarşısına qoyduğu məqsədlərlə yanaşı, bu gün Azərbaycanda, Türk Dünyasında və dünyada gedən proseslər haqda da danışdıq. Sevil xanıma ilk sualımız isə təşkilatının nədən məhz "Asiya dialoqu" adlandırılması ilə bağlı oldu?

Öcalan Türkiyə üçün kimdirsə, Qukasyan da Azərbaycan üçün həmin zaddır
Azərbaycanın Rusiyadakı səfiri Polad Bülbüloğlu başda olmaqda, bir qrup Azərbaycan ziyalısının işğal altında olan Qarabağa səfəri və orada fəaliyyət göstərən separatçı-terrorçu rejimin başçısı ilə görüş keçirməsi, toplumun aktiv təbəqəsini silkələyib. Ona görə, "Xalqı özündən çıxarıb", "cəmiyyəti şoka salıb" demirəm ki, Nəsimi demiş, "vəsf zamanı deyil". İndi nə xalq nəyin baş verdiyinin fərqindədir, nə də cəmiyyət. Sadəcə, əmək fəaliyyəti ilə bağlı ictimai-siyasi məsələlərlə maraqlanmalı olan siyasilər, politoloqlar, jurnalistlər və bu qəbildən olan bir para fəal insanlar mövqelərini ortaya qoyurlar. Həyin baş verdiyi, niyə baş verdiyi isə hələ də qaranlıqdır. Ortada olansa faktdır. Azərbaycan diplomatı ölkəsinin işğal altında olan ərazisində yuva salmış separatçı-terrorçu rejimin başçısının əlini sıxıb.

< b>Pənah Hüseyn: "Hakimiyyət özünə dəxli olmayan tarixi günləri Azərbaycan xalqının yaddışından silmək istəyir"
"Türküstan qəzeti"nin bu dəfəki qonağı millət vəkili Pənah Hüseyndir. Əsasən ölkədəki mövcud ictimai-siyasi duruma toxunulduğu müsahibəmizin ilk sualı azad sözə basqılarla bağlı yaradılan Koordinasiya Şurasının hazırkı fəaliyyətiylə bağlı oldu:

- Öncə onu demək istərdim ki, Koordinasiya Şurası söz azadlığının məhdudlaşdırılmasının əleyhinə yönəlmiş bir qurumdur. Və bu qurumda ziyalılar, deputatlar, redaktorlar, siyasi liderlər təmsil olunublar. Hazırda söz və mətbuatazadlığına qarşı hücum davam edir. Və onun nəticələri hələ də aradan qaldırılmayıb. Əksinə daha dərinləşib. "Azadlıq", "Turan" İA yerləşdiyi qərargahlarından çıxarılıblar, AHS-in yayımı dayanıb. Bütün bunlardan sonra təzyiqlərin davam etdirilməməsi üçün bu təşkilatda bir araya gələnlər prinsipial razılıq əldə ediblər. Bu həfətənin axırında Koordinasiya Şurasının növbəti toplantısı gözlənilir. Amma şuranın rəhbəri Mehman Əliyev ölkədə olmadığına görə iclasımız bir qədər ləngiyir. Amma gələn həfətənin əvvəlində yəqin bu toplantı keçiriləcək.

30 iyun Türklüyümüzün qürur mənbəyi olan Babəkin anadan olan günüdür. Türk məmləkəti Ərdəbildə doğulmuş Babək həyatı boyu yürütdüyü mücadilə ilə biz türklərin azadlıq simvoluna çevrilmişdir. Babək elə bir tarix yaratmışdır ki,tarixçilər uzun əsrlər boyu bu tarixlə əlaqədar bir çox sualların cavablandırılmasında aciz qalmışlar. Axı necə ola bilər ki, dünyanın hərbi və siyasi gücünə çevrilən Xilafətlə 23 il döyüşəsən? Döyüşmək də hələ azdır. Bu müddət ərzində əsgəri sayı 500 mindən artıq olan altı ərəb ordusunu darmadağın edəsən. Bəs bu güc, enerji haradan qaynaqlanırdı. Bu kimi sualların yalnız bir cavabı vardır ki, o da Babəkin və onun arxasında duran xalqının türk etnosuna bağlı olması və döyüşə türklük ruhu ilə atılması idi. Çünki türk əsarəti sevən millət deyil. Babək də ən böyük millətin övladı olduğu üçün dünyanın ən böyük neməti olan azadlıq da onun ruhundan doğan bir məsələ idi. Bir gün azad yaşamağı qırx il qul kimi yaşamaqdan üstün tutan Babəkin mübarizəsi Xilafəti kökündən sarsıtdı. O bu mübarizəsiylə Azərbaycanın güneyini ərəb işğalçılarından təmizlədi,Xilafətin Şərqə-Mərkəzi Asiyaya yolunu bağladı. Bunu görən düşmən Bizansla,Misirlə döyüşləri dayandırıb bütün qüvvələrini Babəkin üzərinə göndərdi və tarix boyu biz türklərin bəlasına çevrilən bir addımı atdı.Afşin adlı digər türk sərkərdəsini orduya cəlb etməklə iki türkü üz-üzə qoydu. Bundan sonra say azlığı Babək ordusunun sona qədər döyüşərək məğlubiyyətinə apardı.Ordunu yenidən təşkil edib döyüşə atılmaq istəyən Babək erməni mənşəli Səhl ibn Sumbat tərəfindən satqınçılıq nəticəsində ələ keçirildi. (Babəki təhvil verənə iki mln. dirhəm həvalə olunmuşdu.) Lakin artıq gec idi. Babəkin cisminin məhvi Xilafətin dağılmasının qarşısını ala bilmədi və tezliklə tarix səhnəsindən silinib getdi

Milliyətçi Hərəkat bunu necə bacardı?

Milliyətçi Hərəkat Partiyasının 22 iyul parlament seçimlərində barajı rahat bir şəkildə aşması qeyri-adi hal olmayacaq. 1999-cu ildə 18% səs alıb, 3 noyabr 2002-ci ildə, yəni 3 il sonra 8%-ə qədər düşən MHP-nin 22 iyulda barajı rahat bir şəkildə aşması qaçılmazdır. Bəs MHP-nin belə yüksəlişini şərtləndirən amillər nədir? Media dartışmalarından uzaq duran genəl başqan Dövlət Bağçalı, səssizcə partiyanı yenidən dirçəltmiş oldu.